News, Articles & Tips

एजेन्टबाट मात्र कारोबार हुनुपर्छ

Posted on July 13, 2012

काठमाडौं असार २९, २०६९

आगामी बजेटले रियलस्टेट कारोबारलाई जगाउले अपेक्ष

स्थिर प्राय : रहेको घरजग्गाको कारोबारलाई अगाडि बढाउन हरेक क्षेत्रमा जस्तै सरकारको भूमिका महत्वपूर्ण हुन्छ । घरजग्गाको कारोबार बढ्न सक्यो भने सिंगो मुलुकको बिकासमै प्रत्यक्ष रुपमा फाईदा पुग्ने भएकोले सरकारले यस कुरामा बिशेष ध्यान पूर्याउनैपर्छ । यसका लागि सरकारले अब आउने बजेटमा बिशेष ब्यबस्था गर्नुपर्छ । बजेटमा सरकारले दुइचारवटा कुरामा बिशेष ध्यान दिनुपर्छ ।

सरकारले बिदेशिलाई पनि हाउजिङ, अपार्ट्मेन्ट किन्न पाउने ब्यबस्था चालु आर्थिक बर्षको बजेटमै गरेको थियो । तर नयाँ बजेट आउने बेलासम्म पनि त्यो कार्यन्वयनमा आएन । यसलाई अब आउने बजेटमा पनि उल्लेख गरि यथासिघ्र कार्यन्वयनको ब्यबस्था गर्नुपर्छ । यसो हुँदा यहाँ रहेको करिब ६ हजार अपार्ट्मेन्टले बुकिङको मौका पाउनेछन ।

बजेटमा पहिलो पटक घर किन्नेलाई सहुलियतको ब्यबस्था गर्नुपर्छ । यदि कसैको नाममा अहिलेसम्म घर छैन र पहिलो पटक उसले कुनै घर किनेर नामसारी गर्दैछ भने त्यस्ता ब्यक्तिलाई रजिस्ट्रेसन दस्तुरमा छुट दिनुपर्छ । बैँकको ब्याजदर घटाउने ब्यबस्थाका लागि सरकारले पहल गरिदिनुपर्छ । ब्याजदर घट्यो भने मात्रै घरजग्गाको कारोबारलाई एजेन्टबाट मात्रै गराउने बन्दोबस्त सरकारले गर्नुपर्छ ।

किनकी एजेन्सीबाट कारोबार हुँदामात्रै सरकारलाई प्राप्त हुने कर ब्रिधी हुन सक्छ । यसबाट उपभोक्ता ठगिनबाट जोगिने, पारदर्शी हुनेलगायतका फाईदाहरू पुग्नेहुन्छ । साथसाथै डेभलपर्सहरूले मुल्य घटाउन सक्ने वातावरण पनि सरकारले तयार गरिदिनुपर्छ । डेभलपर्सहरू आफ्नो प्रोपर्टी घटाएर बेच्ने चहिरहेको छैनन्, त्यसैले रिजर्भमा रहेको अवस्था छ । यसलाई चिर्नका लागि सरकारले बिशेष पहल गर्नुपर्छ ।

समाचार स्रोत : अन्नपूर्ण पोस्ट