(implemented effective from 2079/2080 fiscal year)

आफ्नो अचल सम्पत्ति (घरजग्गा) बिक्री गर्दा लाग्ने कर (गेन कर,बिक्री कर) राजस्वको रुपमा तिर्नु पर्छ भन्ने कतिलाई जानकारी नभएको देखिएकोले आफ्नो घरजग्गाको बिक्री मुल्य राख्दा सो कर पनि समाबेश गरेर आफ्नो बिक्री मुल्य तय गरेमा सधैंको लागि आफु सुसुचित रहेको प्रस्ट हुनेछ । यसको सही जानकारी बिक्रिकर्ता र खरिदकर्ता बिच सही ढंगले प्रस्तुत नगरिदा कतीपय ठाउँहरुमा अन्योल भइ बैना भैसकेको कारोबार पनि रद्द हुन पुगेको छ । 

 

बिशेष गरेर लाभ कर भन्ने बितिकै बिक्रेताले नै ब्यहोर्नु पर्ने कर्तब्य हुन आउँछ तथापी कतिपय खण्डमा दुबै पक्षको समझदारीमा पनि तय गर्न सकिन्छ । तसर्थ प्रारम्भमै सहि जानकारी पुर्याउनु पनि हामी जस्ता रियल स्टेट एजेन्सिहरुको ठुलो कर्तब्य हुन आउँछ ।

 

बिक्रेताले आफ्नो अचल सम्पत्ति (घर जग्गा)बिक्री गर्दा आफुले जग्गा वा घर खरिद तथा निर्माण गरेको ५ बर्स भीत्रै बिक्री गरेमा टोटल बिक्री गरेको मुल्यबात आफूले जग्गा किनेको तथा घर बनाएको  गाउँपालिकामा भए वडा कार्यालय  नगरपालिका भए नगरपालिका वडा कार्यालयले तोकेको मुल्याङ्कनको आधारमा उक्त रकम् घटाएर बाँकी हुन आएको जम्मा रकमको ७.५० प्रतिसत तर ५ बर्ष नाघेमा ५ प्रतिसत राजस्वको रूपमा मालपोत कार्यालयमै खरिद कर्तालाई पास गरिदिएकै दिन तिर्नु पर्छ । यस्तो लाभ कर नगरपालिका वा गाउँपालिका जहाँको भए पनि तिर्नु पर्ने हुन्छ ।   

 

बिगतका हाम्रो केही अनुभवहरुमा धेरैलाई आफ्नो सम्पत्ति बिक्री गर्दा तिर्नु पर्ने लाभ करको बारेमा थाहा नभएको पाइएकोले हामीले यो जानकारी यहाँ सबै सम्बन्धितहरुको लागि ध्यानकार्शन गराउन खोजेका हौ । यदी यो बिक्री कर राजस्व तिरेमा सो रकम बैकमा जम्मा गर्दा पनि सोको आयस्रोत खुलाउन जरुरी देखिन्न । यो एउटा प्रमाणको रुपमा रहन्छ र आफ्नो मान प्रतिष्ठा पनि रहन्छ l 

 

अत: यस घरजग्गाबजार डट कम भित्र आ-आफ्नो अचल सम्पत्तिहरु लिस्टिङ भएको बिक्री गर्दा लाभ कर तिर्नु पर्छ  भन्ने मनस्थिती राखेर त्यही अनुरुपको मुल्य निर्धारण गर्नु हुन घरजग्गा बजार डट कम सबै सम्बन्धितलाई अनुरोध गर्दछ .