Posted on August 22, 2022
त्यसैगरी गत आवको साउन महिनामा घरजग्गा कारोबारबाट संकलन भएको राजस्व ८ अर्ब १० करोड ३६ लाख ५ हजार ४ रुपैयाँ रहेकोमा चालु आवको साउन महिनामा जम्मा २ अर्ब ७३ करोड ६५ लाख ६२ हजार १३५ रुपैयाँ संकलन भएको छ ।
सरकारले गत जेठमा सार्वजनिक गरेको भूउपयोग नियामवलीमा गरेको नयाँ व्यवस्थाका कारण घरजग्गाको कारोबारमा उल्लेख्य गिरावट आएको विभागका प्रवक्ता कृष्णप्रसाद भण्डारीको भनाइ छ ।
सरकारले नियामवलीमा जग्गाको वर्गीकरण गर्ने नीति लिएको असर कारोबारमा देखिएको हो । नियमावलीमा विभिन्न १० वटा क्षेत्रमा जग्गाको वर्गीकरण गरेपछि मात्रै किनबेच गर्न पाउने नयाँ व्यवस्था गरिएको छ ।
सरकारले कृषि, आवासीय, वनलगायत विभिन्न क्षेत्रको जग्गाको वर्गीकरण नगरी कारोबार गर्न नपाउने व्यवस्था गरेको छ ।
तर नियमावली आएको २ महिना बितिसक्दा पनि स्थानीय तहहरुले नियमावलीमा भएको व्यवस्था अनुसार जग्गाको वर्गीकरण गर्न सकेका छैनन् । वर्गीकरण नहुँदा घरजग्गा खरिद बिक्री हुन नसक्दा कारोबारमा मन्दी आएको विभागको भनाइ छ ।
‘जेठ महिनामा नियमावली आएपछि असारमा यसको असर देखिन शुरु भइसकेको थियो, साउन महिनामा कारोबार संख्या ह्वात्तै घटेको छ,’ विभागका प्रवक्ता भण्डारीले भने ।
विभागअनुसार गत असारमा देशभरका मालपोत कार्यालयबाट ४७ हजार २७ वटा घरजग्गा किनबेच भएका थिए । साउन महिनामा भने उक्त कारोबार संख्या घटेर ३३ हजार ८३४ मा सीमि भएको छ । जुन हालसम्मकै कम हो ।
यसअघि औसतमा मासिक ७० हजारको हाराहारीमा देशभर घरजग्गा किनबेच हुँदै आएको थियो । तर, नियामवलीमा भएको नयाँ व्यवस्थापछि कारोबार घटेको विभागको भनाइ छ ।
विभागले साउन महिनामा देशभरका मालपोत कार्यालयबाट ३३ हजार ८३४ लिखत पारित हुँदा ३ हजार १३२ नामसारी, ३ हजार १९१ संशोधन, २८ हजार ८८ रोक्का, १९ हजार ९१३ फुकुवा र १९ सय ८४ दाखिला खारेज गरेको छ ।
साउन महिनामा सबैभन्दा बढी कारोबार इनरुवा सुनसरी कार्यालयबाट भएको छ । उक्त कार्यालयबाट साउन महिनामा १ हजार ६४४ घरजग्गा किनबेच भएको छ । उक्त कार्यालयबाट कुनै एक महिनामा भएको यो सबैभन्दा कारोबार संख्या हो ।
त्यस्तै, जनकपुरधामबाट १४ सय १२, बेलबारी मोरङबाट १३ सय ३४, नेपालगञ्जबाट १ हजार ९८, राजविराजबाट १ हजार ६५, घोराही दाङबाट १ हजार ६२ र झापाबाट १ हजार ५२ घरजग्गा किनबेच भएको छ ।
काठमाडौंमा हालसम्मकै कम कारोबार
साउन महिनामा ३३ हजारको हाराहारीमा घरजग्गा किनबेच हुँदा उपत्यकामा हालसम्मकै कम घरजग्गा किनबेच भएको छ ।
उपत्यकामा मासिक ६ हजारभन्दा माथि घरजग्गा किनबेच हुँदै आएकोमा साउनमा ३ हजार २१६ घरजग्गा किनबेच भएको छ । जुन हालसम्मकै कम हो ।
साउन महिनामा उपत्यकामा सबैभन्दा बढी भक्तपुर मालपोत कार्यालयबाट किनबेच भएको छ । उक्त मालपोत कार्यालयबाट ७६७ वटा घरजग्गा किनबेच भएको विभागले जनाएको छ ।
त्यसैगरी, ललितपुरबाट ६७६, कलंकीबाट ४९९, साँखुबाट ४७२, चावहिलबाट ४१७, डिल्लिबजारबाट १५२, टोखाबाट ११५, गोटीखेलबाट १८ र मनमैजुबाट कुनै पनि घरजग्गा किनबेच नभएको विभागको भनाइ छ ।
राजस्व संकलनमा असर
जग्गा वर्गीकरणको व्यवस्थाले जग्गा कारोबार, कित्ताकाट घटेसँगै राजस्व संकलनमा असर परेको छ ।
मासिक ५ अर्बभन्दा बढी राजस्व संकलन गर्दै आएको विभागले साउन महिनामा २ अर्ब ७३ करोड ६५ लाख ६२ हजार रुपैयाँ मात्रै राजस्व संकलन गरेको छ ।
उक्त महिना सेवा करवापत २० करोड १८ लाख, बाग्मतीबाट ६ करोड ९२ लाख, रजिष्ट्रेशन दस्तुरबाट १ अर्ब ४६ करोड ८५ लाख, पुँजीगत लाभ करवापत ७४ करोड ७० लाख र अन्य विभिन्न विधा सो राजस्व संकलन भएको हो ।
साथै, देशभरको मालपोत कार्यालयबाट दिने छुटवापत विभागले २२ करोड ३१ लाख ५८ हजार रुपैयाँ छुट दिएको छ ।
संकलित राजस्वमध्ये सबैभन्दा बढी ललितपुरबाट भएको छ । साथै, ललितपुरबाट २१ करोड ६० लाख, भक्तपुरबाट २१ करोड ३७ लाख, डिल्लिबजारबाट १९ करोड ४१ लाख, कलंकीबाट ९ करोड ७९ लाख, चावहिलबाट १० करोड, चितवनबाट ८ करोड ९० लाख र कास्कीबाट ८ करोड ८९ लाख रुपैयाँ राजस्व संकलन गरेको छ ।
(news source: clickmandu.com)
प्रकाशित मिति : १ भाद्र २०७९, बुधबार १४:११
Property Seller
We are very much thankful to you for the professional help...
View Count: 3007
Property Buyer
A very big thank you to Gharjaggabazar.com for finding the...
View Count: 4592
Property Seller
Thank you so much Ghar Jagga Babzar Realestate team(GJBR),...
View Count: 4577
The name as Ghar Jagga Bazar Realestate (P) Ltd., (in short form ‘GJBR’) domains www.gharjaggabazar.com, www.gharjaggabazaar.com, www.homelandbazaar.com its logo have been registered in the office of the company registrar (license no 191585, tax pan no 606683586) government of Nepal. Registered office located in Basundhara, Tokha municipality, Kathmandu, Nepal.
Read More© 2009-2024. Ghar Jagga Bazar Real Estate Pvt. Ltd.